Funny Poetry in Urdu

KABHI KABHI

Hoti hai ustadon say pitai kabhi kabhi

Atay hain din ko Taray dikhai kabhi kabhi

har roz Edi aur halva kahan milta hai

milti hai daikhnay ko karrahi kabhi kabhi

Yeh Chota gosht ab apni kismat main kahan

kartay hain zibah bakri qasai kabhi kabhi

har Eid par kapray banata hoon muft main

deta hoon darzion ko silai kabhi kabhi

TV par dekhta hoon cricket ki jhalkian

Karta hoon bay dilli say parhai kabhi kabhi

=============================

Sarsari zikar kia tha Ishq main mar janay ka

Ab usay zidd hai kay tum mar kar dikhao hamain

 

Tashreeh:

 

Is shair main Shayir nay zaroorat say ziyada hi lambi phainki hai

aur ab phans gaya hai kay kia karoon aur kia na karoon

==============================

Aaj ka Taza Shair ya Taza Lateefa

 

Woh Aaj bhi sardi main mar rahi hai faraz

main nay ik bar kaha tha kay tum

baghair sweater kay katrina kaif lagti ho

===============================

Haj Ada karnay gaya tha qaum ka leader koi

Sangbari kay liyay shaitan ko jo kankar mara

Aik kankar lagnay par ik sada kutch yoon aai

Tum to apnay hi aadmi thay tum ko akhir kia hova

===============================

Yeh Laghzish ahtraman ho gai thi

Jawani ko Burrhapa kah diya tha

Wo bibi aaj tak ham say hafa hai

jisay bhoolay say Aapa kah diya tha

===============================

main nay chand say aik din kaha "Bata Mera Mahboob kaisa hai?"

Chand nay kaha "Pahli gal ay kay main tairay piyo da naukar nai,

Dooji gal ay kay aini dooron nazar vi kuj nai aanda,

Tay teeji gal ay kay aiho jaian baghairtian zameen tak ee rakhaya karo

menu na vich liyaya karoo. samjhay……………………………….

===============================

 

 

 

VN:F [1.9.22_1171]
Rating: 0.0/10 (0 votes cast)